Akkumulyator oturub, maşın işə düşmür: nə etməli?

Akkumulyator niyə boşalır?

Səhər maşını işə salmaq istəyirsiniz, amma mühərrik cavab vermir — bu, sürücülərin ən çox üzləşdiyi problemlərdən biridir. Akkumulyatorun boşalmasının əsas səbəbləri:

• Faralar və ya salon işığı açıq qalıb — bir gecə kifayətdir
• Akkumulyatorun köhnəlməsi — orta ömür 3-5 ildir
• Soyuq hava — aşağı temperatur batareya gücünü 30-50% azaldır
• Generator nasazlığı — akkumulyator sürüş zamanı dolmur
• Uzun müddət istifadəsizlik — maşın 2-3 həftə dayananda

Maşını işə salmağın yolları

1. Yandırma kabeli (prikur)

Başqa avtomobildən yandırma kabeli ilə cərəyan almaq ən geniş yayılmış üsuldur. Qırmızı kabel müsbət (+), qara kabel mənfi (−) klemmalara qoşulur. Diqqətli olun: səhv qoşulma elektronikaya zərər verə bilər.

2. Portativ buster

Müasir busterlər cibə sığan güc mənbəyidir. Əgər varsa, 5 dəqiqəyə problemi həll edir.

3. Evakuatorla servisə daşınma

Əgər maşın heç bir üsulla işə düşmürsə, problem yalnız akkumulyatorda olmaya bilər — starter, generator və ya elektrik sistemində nasazlıq mümkündür. Bu halda ən təhlükəsiz yol avtomobili evakuatorla servisə daşımaqdır.

Nə vaxt evakuator çağırmalı?

• Yandırma kabeli və buster kömək etmirsə
• Maşın yolun ortasında və ya təhlükəli yerdə qalıbsa
• Mühərrik işə düşür, amma dərhal sönürsə
• Elektrik sistemində yanıq iyi və ya tüstü hiss edirsinizsə

Apar evakuator xidməti Bakı və Abşeron üzrə orta hesabla 30 dəqiqəyə çatır. Evakuator qiymətinin necə hesablandığını əvvəlcədən öyrənə bilərsiniz.

Yolda qalmamaq üçün profilaktika

• Akkumulyatoru 3-4 ildən bir yoxladın
• Qışda maşını uzun müddət istifadəsiz saxlamayın
• Maşını tərk edərkən bütün işıqların söndüyünə əmin olun

Maşınınız işə düşmürsə, *7070 zəng edin — 24/7 evakuator xidməti ilə avtomobilinizi istədiyiniz servisə çatdıraq.